Úlfar Þormóðsson 18/05/2015

Þrenna

 

Síðustu daga hefur verið mikið fjör í andlegu lífi landsmanna heima og erlendis. Og gróska.

SONY DSC

Í vikulokin barst út sú frétt með öllum fjölmiðlun að Ólafur Ólafsson á Kvíabryggju óski eftir endurupptöku á markaðsmisnotkunar- og umboðssvikamáli sem hann var dæmdur í tukt fyrir.  Hann vill fá úr því skorið fyrir dómi hvort hann sé Ólafur eða einhver annar maður. Við uppkvaðningu mundi líka skýrast hvort einhver allt annar Ólafur sé hann sjálfur og hvor þeirra sitji í fangelsi.

Um helgina kom í ljós að EyglóHarðardóttir, félagsmálaráðherra telur að hægt sé að reikna tiltekið dæmi þótt reiknitölurnar vanti.

Eygló HarðardóttirÞetta er háspeki og merkir að útkoma eigi að liggja fyrir áður en vitað er hvað verið er að reikna. Samkvæmt spánýrri frétt (kl.13:17 þann 5. maí 2015) á Miðjunni.is stendur allur þingflokkur Framsóknarmanna að baki Eyglóar sem á í þrætum við fjármálaráðherra um nýspeki sína, en hann er argasta íhald og einblínir á þá gömlu aðferð að reiknanleg útkoma byggi á dæmi sem liggi fyrir áður en byrjað er að reikna.

Hundur Önnu Mjallar meig næstum á málverk er fyrirsögn í Fréttablaðinu í dag, 18. maí. Þetta er fjögurra dálka fyrirsögn og myndir með fréttinni sem líklega er á heimsmælikvarðanum því að hún barst hingað til lands vestan frá USA.

 

Úlfar Þormóðsson
Latest posts by Úlfar Þormóðsson (see all)
Flokkun : Pistlar
1,099