trusted online casino malaysia
Ritstjóri Herðubreiðar 05/06/2014

„Þeim verður ekki kápan úr því klæðinu.“ Forsætisráðherra varar við útsendurum erlendra kröfuhafa

Íslendingar þurfa að vera á varðbergi gagnvart málflutningi sem ætlað er að draga kjarkinn úr stjórnvöldum í uppgjöri gömlu bankanna. Þetta sagði forsætisráðherra í viðtali í útvarpsþættinum Reykjavík síðdegis í dag.Sigmundur Davíð

Hann sagði ástæðu til að búast við því á næstunni, að erlendir kröfuhafar eða einhverjir á þeirra vegum myndu beita sér í opinberri umræðu til að skara eld að eigin köku og reyna um leið að „draga kjarkinn úr þeim sem eiga að klára málin,“ þ.e. stjórnvöldum. „Þeim verður ekki kápan úr því klæðinu,“ bætti hann við.

Ekki kom fram hverjir þetta væru né heldur nefndi hann dæmi um slíkan málflutning eða afskipti.

Forsætisráðherra var einnig spurður út í „moskumálið.“ Hann tjáði sig ekki um það efnislega, en ítrekaði að umræðan væri vandamálið, ekki stefna oddvita Framsóknarflokksins í Reykjavík. Hann svaraði heldur ekki gagnrýni Jóns Sigurðssonar, fyrrverandi formanns flokksins, sem sagði í gær um að ræða algera stefnubreytingu hjá flokknum.

Flokkun : Efst á baugi
1,256