Stúlkan þín
Eftir Sigríði Einars frá Munaðarnesi
Hún var svo stolt og stássleg
stúlkan þér við hlið.
Ég sá ykkur koma saman
og saman fóruð þið.
Saman í sveitina bæði,
því sumargræn eru tún.
– Þú veizt ei hve eg vildi
vera orðin hún.
Í kvöld eru fjöllin og fellin
með fjólubláum lit.
– Nú hljóðna hófaslögin
og hverfa í lágum þyt.
Margrét Sigríður Einarsdóttir frá Munaðarnesi (1893-1973)
- Nú ertu (endanlega) búinn að missa það, Brynjar - 20/02/2022
- Þegar streðinu lýkur – Guðni Már (og mamma) - 03/01/2022
- Afplánunin - 02/12/2021