Úlfar Þormóðsson 22/08/2016

Sólarglærur

Það eru umbrotatímar í stjórnmálum. Í dag (22.08.´16) vaknaði einn ráðherra upp af djúpsvefni  og annar áttaði sig.

Sigurður Ingi Jóhannsson

Í marga mánuði hafa landsmenn horft á Framsóknarflokkinn liðast í sundur vegna spillingarmála. Hingað til hefur forustan sagt að þetta sé alls ekki raunin. Síður en svo. Þar til í dag. Þá mátti lesa í Fréttablaðinu klausu, sem höfð var eftir varaformanni flokksins og forsætisráðherra landsins: „Það er hins vegar enginn vafi að við erum í ákveðnum vandamálum í forystusveit flokksins.“

Merkilegt.

Og.

rich man poor man

Þau sannindi komust í hámæli síðustu daga að meira en 23 þúsund aldraðir og öryrkjar borguðu rúmlega tvöfalt meira í tannlæknakostnað á síðasta ári en reglugerð heilbrigðisráðherra kveður á um. Svo gerðist það í kvöld að umræddur ráðherra birtist velvakandi í fréttum Sjónvarpsins og sagðist vonast til þess að geta greitt öldruðum og öryrkjum lögbundinn (lög frá 2013) tannlæknakostnað á næsta ári.

Á næsta ári. Þá, já, þá mun birta upp. Sanniði til. Á næsta ári.

Úlfar Þormóðsson
Latest posts by Úlfar Þormóðsson (see all)
Flokkun : Efst á baugi
0,944