Skemmtileg bók um albesta fótboltakappann

Ritdómur – Steinunn Jenný Karlsdóttir

Atvinnumaðurinn Gylfi Sigurðsson

Ólafur Þór Jóelsson

(Sena, 2015)

Þetta er skemmtileg bók um Gylfa og mjög góðar upplýsingar um hann. Geggjað flottar myndir.

Mér fannst skemmtilegast að fá að vita það að Gylfi var í fjórum knattspyrnuliðum, og fór í lán til tveggja þeirra áður en hann skrifaði undir samning við liðin.

Ég er fótboltastelpa og hef rosa gaman af svona bókum. Þetta var ein af þeim bestu fótboltabókum sem ég hef lesið. Gylfi er uppáhalds fótboltakappinn minn en hann er líka sá allra besti í mínum huga.

Mér fannst sniðugt hjá höfundinum að spyrja Gylfa um draumaliðið, erfiðustu andstæðingana og bestu meðspilarana.

Steinunn Jenný Karlsdóttir, tíu ára