Ritstjóri Herðubreiðar 03/12/2014

Skattbyrði lægstu launa eykst ár frá ári. Var engin fram undir aldamót

SkattbyrðiSkattbyrði lægstu launa hefur aldrei verið þyngri en nú og fer vaxandi. Þegar núgildandi skattkerfi var tekið upp voru engir skattar greiddir af lægstu tekjum, en það breyttist árið 1998.

Þetta er meðal þess sem kemur fram í grein eftir Jón Daníelsson í Herðubreið. Tölurnar tók Jón sjálfur saman enda er þessum upplýsingum hvergi haldið til haga.

Skýringar á þessari stórauknu skattbyrði telur Jón einkum tvær: Annars vegar hafa lægstu launataxtar hækkað umfram vísitölur, en hitt vegur þyngra að persónuafsláttur hefur rýrnað verulega að raungildi.

Ef persónuafsláttur hefði verið látinn halda upphaflegu gildi sínu – hefði til dæmis fylgt launavísitölu – væri greiðslubyrði lægstu launa engin, rétt eins og gert var ráð fyrir í upphafi.

Grein Jóns má lesa hér.

Flokkun : Efst á baugi
0,861