Sjómannavísa
Eftir Magnús Eiríksson
Vindur í laufi og vor upp’ í sveit,
vesælir mávar í æti að leit.
Verbúðin tómlega vingast við mig
en vina ég elska aðeins þig.
Eitt er að lifa og annað að þrá.
Ætíð í draumunum þig mun ég sjá
á plani sitjandi prúða á svip
er ég príla um borð í mitt skip.
Sjóveikur æli í ólgandi haf,
aumingja dallurinn ætlar í kaf.
Ýsur og þorskar einblína á mig
en vina ég elska aðeins þig.
Magnús Eiríksson
- Nú ertu (endanlega) búinn að missa það, Brynjar - 20/02/2022
- Þegar streðinu lýkur – Guðni Már (og mamma) - 03/01/2022
- Afplánunin - 02/12/2021