Sjá, ég er með yður alla daga

Hann er kominn frá Frans, leiðtoginn. Af EM. Mættur til leiks. Hann er búinn að kveikja á tölvunni, hefur skrifað bréf. Og sent það. Þar sem fullyrða má að bréfið verði sýnilegt víða verður það ekki birt hér, aðeins glefsur úr því. Það er ekki snúið út úr neinu, en tekið skal fram að glefsurnar eru ekki í þeirri samfellu sem þér voru í bréfi leiðtogans:

„Um tíma dró ég mig að miklu leyti út úr hinum pólitíska slag svo að ríkisstjórnin gæti unnið að gríðarlega mikilvægum en ókláruðum verkefnum á meðan mál væru að skýrast … Nú liggja staðreyndirnar fyrir“

„Á næstunni mun ég því aftur hefja fulla þátttöku í stjórnmálabaráttunni. Það mun vekja viðbrögð. Látið það ekki slá ykkur út af laginu. Viðbrögð, jafnvel ofsafengin viðbrögð gegn mér og okkur eru nú sem fyrr til marks um að andstæðingar telji sér að sér standi ógn af okkur.“

„Aðrir munu ekki klára vinnu okkar í verðtryggingarmálinu … Tíminn til að standa við loforðin sem við höfum gefið er því núna. … Ólíkt því sem margir bjuggust við höfum við til þessa staðið við allt sem við höfum lofað þrátt fyrir miklar mótbárur.“

„Það verður að vera alveg ljóst að við gerum þá kröfu til samstarfsflokksins að við ætlumst til að ríkisstjórnin klári þau verkefni sem hún lofaði á kjörtímabilinu.“

Við fengum einstakt tækifæri á viðsjárverðum tímum eftir að hafa gefið stór fyrirheit. Ólíkt því sem margir bjuggust við höfum við til þessa staðið við allt sem við höfum lofað þrátt fyrir miklar mótbárur.

„Á næstu dögum munu … flokksmenn fá sendar upplýsingar um öll þau álitamál sem upp kunna að koma.

„Með vinnu síðast liðinna þriggja ára höfum við uppfyllt flest fyrirheit okkar og skapað aðstæður til að klára öll hin og miklu meira til …  Ólíkt því sem margir bjuggust við höfum við til þessa staðið við allt sem við höfum lofað þrátt fyrir miklar mótbárur.“

„Íslandi allt!

Sigmundur Davíð Gunnlaugsson“

Guð blessi Ísland var eitt sinn beðið.