Ritstjóri Herðubreiðar 04/05/2014

Sápukúlur

Eftir Steingerði Guðmundsdóttur

Á sólheitum vegg – fyrir sunnan hús –

hún sat – með ofur litla krús

 

og blés – og blés –

og blés

 

sápukúlur –

silkikúlur –

safír – ópal – túrkískúlur.

 

Þær minntu á fiðrildi í morgunblænum

í mjúkum dansi – á blöðum grænum –

 

er hljótt þær liðu að himinboga –

hurfu í bjartan sólarloga.

 

Sápukúlur.

Silkikúlur.

Safír – ópal – túrkískúlur –

 

Hún blæs þær ei lengur úr barnakrús

bláeyga stúlkan – sunnan við hús –

 

því krúsin er brotin – beyglað rör –

nú bítur hún þögul – sárt á vör.

 

Ef sápukúlur hún sér – í draumi –

hún svífur með þeim burt – í laumi.

 

Steingerður Guðmundsdóttir (1921-1999)

Avatar
Latest posts by Ritstjóri Herðubreiðar (see all)
Flokkun : Ljóðið
0,793