Úlfar Þormóðsson 06/04/2016

Sá eini

Þessa stundina er erfiðara en oft áður að átta sig á því hvað er satt og hvað logið af atburðum daganna. Það er þó hugsanlega rétt sem „verðandi“ (skrifað kl. 13:00) forsætisráðherra, Sigurður Ingi Jóhannsson sagði í Kastljósi í gærkveldi (05.04.´16) að allir þingmenn Framsóknarflokksins nema einn hafi stutt tillögu Sigmundar Davíðs Gunnlaugssonar um að hann stigi til hliðar sem forsætisráðherra og Sigurður Ingi tæki við embættinu. Þegar hann var spurður hver þessi eini væri svaraði hann: „Það er best að hann greini frá því sjálfur.“

Sigurður Ingi Jóhannsson

Það hefur hann ekki gert enn. Þessi eini.

Það er ekki þannig að það skipti höfuð máli hver hann er, þessi eini. Eigi að síður væri fróðlegt að vita það fyrir víst hvort sú alþýðuskýring sé rétt að það hafi verið sjálfur formaður Framsóknarflokksins sem ekki studdi tillöguna; maðurinn sem lagði hana fram. Það skýrir þá væntanlega hvers vegna Sigmundur Davíð telur að hann hafi ekki sagt af sér – nema þá í mesta lagi til bráðabirgðar.

Úr þeirri grátbroslega flækju, sem ríkisstjórn Sjálfstæðis- og Framsóknarflokks hefur komið íslenskum stjórnmálum í, greiðist ekki öðruvísi en með kosningum. Þess vegna þarf fjöldinn allur að mæta á Austurvöll til þess að krefjast þeirra, allt þar til þær hafa verið boðaðar.

 

P.s.: Kl. 22:18 greindi Vísir.is frá því að alþýðuskýringin hér að framan var röngl; það var Höskuldur Þórhalsson, sem ber titilinn sá eini.

Úlfar Þormóðsson
Latest posts by Úlfar Þormóðsson (see all)
Flokkun : Efst á baugi
0,770