trusted online casino malaysia
Úlfar Þormóðsson 17/03/2016

Rökþrot

Íslenska fúkyrðasafnið hefur verið opnað upp á gátt í tilefni af gjaldeyriseign eiginkonu forsætisráðherra. Í orrahríðinni gleymist að spyrja spurninga. Meðal annars þessara:

Hvers vegna kaus eiginkonan að geyma peningana á Tortólu, sem heimurinn allur lítur á sem stað þar sem illa fengið fé er geymt? Af hverju var það ekki bara sett í banka í Bretlandi eða á einhverjum þeim fjölmörgu staða sem eiginmaðurinn stundaði sitt próflausa nám? Vissi eiginmaðurinn ekki af þessu? Er tímasetning upplýsingarinnar valin vegna athugunar skattrannsóknarstjóra á peningaeign fésýslumanna í skattaskjólum?

Gunnar Bragi, Svampur Sveinsson

Það væri hægt að nefna fleiri spurningar sem fólk er að velta fyrir sér, en það þjónar ekki neinum tilgangi eins og orðfærið er þessa daga. Þær koma áreiðanlega fram síðar.

Sáralítið hefur einnig farið fyrir siðferðisþætti málsins í umræðunni. Í því tilviki er þó rétt að benda á Kastljós Ríkisútvarpsins frá í gær (16.03.´16) þar sem Jón Ólafsson, prófessor nefndi til nokkur siðferðisleg atriði sem frammámönnum þjóða ber að hafa í huga og fara eftir. Það er fórn fyrirmannsins; hann missir réttinn til þess að haga sér eins og þrjótur og þaðan af verr vilji hann halda virðingu okkar hinna.

Svo er það varnarliðið ráðherrans. Frá því berast ömurleg orð og lágkúruleg. Gunnar Bragi Sveinsson utanríkisráðherra, fullyrti í Morgunútvarpinu á Rás 2 í morgun að þingmaður Vinstri grænna, Lilja Rafney hefði selt kvóta um leið og hún hefði barist fyrir því að taka aflaheimildir af öðrum inn á þingi. Sem merkir; þú ert óheiðarleg, Lilja Rafney, af hverju má Sigmundur Davíð þá ekki vera það líka?

Staðreyndin er hins vegar þessi: Lilja Rafney hefur hvorki átt eða selt fiskveiðikvóta.

Og þá vaknar spurning af annarri rót:Hvernig hagar utanríkisráðherrann máli sínu erlendis þegar hann kemst í rökþrot hér heima yfir máli sem hann hefur þó lýst yfir að hann þekki ekki nógu vel en flumbrar samt um?

Latest posts by Úlfar Þormóðsson (see all)
Flokkun : Efst á baugi
1,718