Ritdómur: Svaka draugalegar sögur, en vinir mínir skrifa ekki endilega skemmtilegustu sögurnar
Ritdómur: Eitthvað illt á leiðinni er eftir 19 unga höfunda (Turninn, 2015)
Mér finnst þetta skemmtileg bók og svaka draugalegar sögur. Fyrst þegar ég las söguna sem mér finnst draugalegust var kvöld, ég átti verulega erfitt með að sofna.
Nokkrir vinir mínir skrifuðu sögur í bókina, en það þýðir ekki að þær séu skemmtilegastar. Allar eru þær svaka draugalegar.
Skemmtilegasta sagan er Koffort dauðans eftir Ólínu Stefánsdóttur. Draugalegasta sagan er Ekki strax eftir Iðunni Gróu Sighvatsdóttur. Fyndnasta sagan er Heimsóknin eftir Svanhildi Dóru Haraldsdóttur.
Myndirnar eru rosa flottar, og líka mjög draugalegar. Fyrst þegar ég sá þær þorði ég ekki að lesa sögurnar. En þá hugsaði ég „Ekki dæma myndirnar áður en þú hefur lesið sögurnar.“
Það er erfitt að velja flottustu myndina, en Morðóða kanínan sem Inga María Brynjarsdóttir gerði er ógeðslega vel teiknuð.
Þessi bók fær fjórar stjörnur.
Steinunn Jenný Karlsdóttir, 10 ára
- Nú ertu (endanlega) búinn að missa það, Brynjar - 20/02/2022
- Þegar streðinu lýkur – Guðni Már (og mamma) - 03/01/2022
- Afplánunin - 02/12/2021