Ritstjóri Herðubreiðar 14/11/2015

París, rúmlega 2.300 árum síðar

París dregur heiti sitt af keltneskum þjóðflokki, Parísum, sem Rómverjar kölluðu parisii.

Þeir settust þar að á þriðju öld fyrir okkar tímatal.Sigurboginn

Borgin varð mjög fljótlega mikilvæg miðstöð verslunar og flutninga.

Rómverjar lögðu borgina undir sig um það bil 50 árum fyrir okkar ármælingar.

Eftir fall Rómaveldis urðu Frankar – eða Frakkar – þar mest um ráðandi, og París varð smám saman að óyfirlýstri höfuðborg Evrópu í eina miðstýrða ríki álfunnar á þeim tíma.

Hún er það enn.

Þjóðverjar og Englendingar reyndu í um þúsund ár að ná París og Frakklandi undir sig.

Þeir eru hættir því núna.

Í gærkvöldi spiluðu Þjóðverjar og Frakkar vináttulandsleik í fótbolta.

Í París er eins og frá öndverðu fjörugt alþjóðlegt mannlíf, skrautlegt og skemmtilegt.

Þannig verður það áfram.

Flokkun : Efst á baugi
0,743