Orsök & afleiðing
Tvær fréttir af byssum birtust á netfréttamiðlum í dag, 26.11.´15. Fyrirsögn í Vísi.is hljóðar svo:
Lögreglubílar í höfuðborginni verða búnir byssum í desember
Síðan er skýrt frá því að skammbyssur verði í sérstökum vopnakassa í bílum lögreglunnar á höfuðborgarsvæðinu og að þetta sé gert til þess að „brúa bið eftir sérsveitinni.“
Fyrirsögn í Dv.is flutti þessi tíðindi:
Lögreglumaður ákærður fyrir að skjóta pilt 16 sinnum
Um er að ræða lögreglumann í Chicago. Hann heldur því fram að pilturinn hafi hótað honum með hnífi og að hann hafi skorið á dekk bílsins (lögreglubílsins?).
Íslendingar sitja uppi með undarlega samsett fólk í valdastólum; fólk með háskólamenntun í einu og öðru en án þekkingar á sögu mannanna og því grundvallaratriði að ofbeldi elur af sér ofbeldi. Fáfræði gerir það líka. Og hræðsla. Og nú eru þeir hræddir, valdamennirnir, taka ákvarðanir með veiklaðar taugar og skefldan huga: Vopnvæðum lögguna!
Það er illt að búa við ráðamenn sem hugsa skammt og taka ákvarðanir í geðshræringu óttans.
- Sálumessa - 02/07/2020
- Umhverfisvændi - 21/04/2020
- Er brennivínið besti kostur? - 26/03/2020