trusted online casino malaysia
Úlfar Þormóðsson 02/04/2015

Órar

 

Ég var einn þeirra sem hélt að frétt um að forsætisráðherra vildi byggja gamla heimavist fyrir háskólastúdenta  við Alþingishúsið, hefja á ný vinnu í húsgrunni fyrir íslensk fræði á Melavellinum og reisa Valhöll úr ösku á Þingvöllum, væri fyrsta aprílgabb. Á ráðherranum mátti helst skilja að öll þessi steypa yrði vígð 2018 í tilefni af blablabla. Því að það árar svo vel. Fullt af peningum í ríkissjóði.

sigmundur davíð

Mér fannst aðdáunarverð ósvífni að ætla herranum slíka óra. Og ekki dró það úr gildi gabbsins, að síðar um daginn bætti hann því við að kominn væri tíma til þess að líta í kring um sig eftir annarri lóð undir nýjan Landsspítala en þeirri sem tekist hefur nokkur sátt um eftir margra ára harðvítuga rökræðu. Flott aprílgabb, svo langt frá mannlegu viti að mörgum þótti nóg um. Öðrum var dillað.

En svo kom annar apríl. Þá tók að kárna gamanið því að engin tilkynning barst um gabb. Ruglið var raun og veran, órarnir sprottnir úr eigin viti ráðherrans.

Í vetur gerði ríkið kjarasamning við lækna eftir að þeir höfðu staðið í skæruverkföllum í margar vikur. Eitt af því sem gerði samninginn mögulegan var að ríkisstjórnin hét því  að flýta byggingu nýs spítala eins og kostur væri. Þó eftir efnum og ástæðum. Og efnin? Ja, jú, blúblúblú.

Og einmitt 1. apríl sér forsætisráðherrann ástæðu til þess að tilkynna að þjóðin sé komin í góð efni. Tími til að eyða. Byggja nýtt og bruðla, gleyma gömlum væringum og samningum með loðnum loforðum. Hættum að gúgla fortíðna þegar framtíðin býður upp á þrjá steypta minnisvarða í stað eins spítala. Því hvað liggur svo sem á með spítala? Jafnvel þó að við eigum fyrir honum. Höldum frekar áfram að ræða um staðsetningu hans. Hún verður að vera rétt. Loforð hvað? Voru þetta ekki bara vilyrði? Ef og þegar?

Latest posts by Úlfar Þormóðsson (see all)
Flokkun : Efst á baugi
1,332