trusted online casino malaysia
Úlfar Þormóðsson 08/05/2017

Óland

Það hefur oft orðið raunin þegar íslenska krónan hefur fengið frið fyrir atvinnulífinu og stjórnvöldum til að viðra sig á heimsmarkaði, að hún hefur staðið sig vel og hækkað miðað við aðra mynt. Þá hefur það og verið jafn öruggt og árstíðaskipti að þeir, sem fá borgað fyrir vöru og þjónustu með erlendum peningum, krefjast þess að krónan verði skert, hamin, felld; annars veslist atvinnulífið upp með geigvænlegum afleiðingum.

hrakningar-a-heidarvegum

Hingað til hafa útgerðir og flugfélög stýrt árás á krónuna þegar henni vegnaði vel. Í dúett, sem nú hefur bæst liðsauki, ferðamennska, og hann því orðinn að tríói, dúettinn. Og nýliðinn fær að vera forsöngvari við sama lag og sama texta og dúettinn flutti áður: Fellum gengið (hemjum það), annars blasir auðnin við, atvinnuleysi og örbirgðinm, eyðilegging, allsleysið og …

Og leiðrétti mig sá sem betur veit: Mig rekur ekki minni til þess að nokkru sinni hafi stjórnvöld farið fram á það við forstjórarana að þeir hætti að væla og snúi sér að því að reka sín fyrirtæki með þeim hætti, að þau þoli sterka krónu og þyki gott. Hvað þá að þau hafi gert tilkall til þess. Þó ætti það að vera eðlileg krafa því firmun eru sannlega drifin af þeim sem búa hér. Og nota krónu sem gjaldmiðil. Og þurfa á henni að halda. Öflugri. Sterkri.

Þegar gildi krónunnar hækkar lækkar vöruverð og verkalaun duga betur eftir en áður. Ef gengi hennar fellur rýrna kjör þeirra sem búa við hana árið um kring. Hins vegar batnar hagur ferðamanna. Það er svo sem ágætt, svona út af fyrir sig. En þá og þar með skapast hér óland íbúa og óskaland féfastra ferðamanna.

Og svona í lokin, út í hött eins og svo margt hjá okkur Íslendingum: Af hverju er ferðamennska hérlendis nefnd útflutningsatvinnugrein þótt hún eigi tilveru sína undir innflutningi?

Latest posts by Úlfar Þormóðsson (see all)
Flokkun : Efst á baugi
1,869