Ókurteisi
Þjóðin hefur kosið sér forseta. Það verður ekki annað séð en hún sé sátt við kjörið. Jafnvel hreykin. Telur sig hafa fengið ærlegan mann í embættið; fræðimann með fjölskyldu.
Nýi þjóðhöfðinginn stendur utan trúfélaga. Af þeim sökum ganga hornin út úr höfði sniglanna. Biskupinn (hún) lét það boð út ganga í kvöldfréttatíma Rúv (28.06.´16) að hann (hún) hefði kosið að forsetinn væri í þjóðkirkjunni.
Stundum finnst mönnum eitt og annað um hina og þessa. Það er gott og gagnlegt. En oft eiga menn álit sitt fyrir sjálfa sig. Þegja um það af tillitssemi, kurteisi við þann sem í hlut á.
Ég er feginn að biskupinn (hún) skuli vera í þjóðkirkjunni. Annað verður ekki um hann (hana) sagt að sinni.
- Sálumessa - 02/07/2020
- Umhverfisvændi - 21/04/2020
- Er brennivínið besti kostur? - 26/03/2020