trusted online casino malaysia
Úlfar Þormóðsson 29/06/2016

Nýtt hernám!

Það hefur verið vani mannkynsbraskara sem stýra samfélögum að hrinda sínum verstu verkum í framkvæmd þegar þjóðirnar eru uppteknar við annað. Íslenska þjóðin er ánægð með úrslit forsetakosninganna og haldinn sæluhrolli vegna verðugrar velgengni íslenska knattspyrnulandsliðsins. Við slíkar aðstæður hafa fólskir stjórnendur færi til verka; þjóðin er í góðu skapi með hugann við allt annað en stjórnmál. Og það notuðu þeir sér hinir hinir síhræddu hér á landi og undirrituðu samkomulag við Kanann um nýtt hernám.

Berlínarmúrinn

Í sameiginlegri yfirlýsingu varnarmálaráðuneytis Bandaríkjanna og utanríkisráðuneytis Íslands er kveðið á um áframhaldandi stuðning Bandaríkjanna við loftrýmisgæslu Atlantshafsbandalagsins og tímabundna viðveru kafbátaleitarvéla hér á landi, náið samráð um öryggis- og varnarmál, viðhald og rekstur varnarmannvirkja, upplýsingaskipti og neyðaraðstoð.

Þá á að hefja tvíhliða viðræður sérfræðinga um samstarf í varnar- og öryggismálum, bæði hernaðarlegt og af öðrum toga, fjalla um málefni eins og tölvuöryggi og öryggi á hafi og skipti á trúnaðarflokkuðum upplýsingum, kanna aukið samstarf, meðal annars hugsanlegar sameiginlegar æfingar, þjálfunarstarf og starfsmannaskipti á sviðum eins og, en sem ekki einskorðast við, leit og björgun og neyðaraðstoð.

Þá kemur fram í yfirlýsingunni að utanríkisráðuneyti Íslands samþykkir áætlanir varnarmálaráðuneytis Bandaríkjanna um varnir Íslands þar sem hernaðarlegum úrræðum er beitt. … og að Kaninn geti nýtt sér aðstöðu hér eftir þörfum.

Þetta er ógeðslegt. Og það er vonarstjarna Framsóknarflokksins, Lilja Alfreðsdóttir sem undirritar þennan nýja hernámssamning við Bandaríkin í nafni ríkisstjórnarinnar. Það hefur orðið stjörnuhrap í albirtu sumarsins.

Latest posts by Úlfar Þormóðsson (see all)
Flokkun : Efst á baugi
1,289