Nútími I

ó mamma gefðu mér rós

í hárið á mér

tveir miðaldra alkóhólistar

eru skotnir í mér

 

báðir eru fráskildir

annar á börn

sá les bækur

en hinn er skemmtilegri

báðir á facebook

stundum tala ég við þá báða

í einu á kvöldin

er orðin ansi verseruð í netdaðri

verð pirruð og slekk

þegar þeir drekka of mikið

 

ó mamma

ekkert í uppeldi mínu

bjó mig undir

viðreynslur á netinu

 

Ingunn Snædal (Þráhyggjusögur, Bjartur 2011)