Nordal

Nordal (sérnafn) = ættarnafn frá miðri nítjándu öld. Fyrstur Íslendinga hér á landi til að bera nafnið var Jóhannes Guðmundsson frá Kirkjubæ í Norðurárdal í Austur-Húnavatnssýslu, en nafnið er dregið af heiti dalsins.

Jóhannes flutti síðastur systkina sinna til Vesturheims og tók þar upp ættarnafnið Nordal eins og systkini hans. Hann sneri hins vegar aftur heim til Íslands undir aldamót og bjó hér til dauðadags 1946.

Jóhannes eignaðist tvö börn, Önnu og Sigurð (sjá mynd), og af þeim er komin hin íslenska Nordalsætt.