Úlfar Þormóðsson 19/06/2016

Montrassa tók ég trú

Það er ekki bara erfitt að eiga peninga á Íslandi eins og forsætisráðherra hefur upplýst okkur félitla um. Það er líka erfitt að vera ástfanginn forseti. Þetta fegnum við að vita í útvarpsþættinum Sprengisandi í morgun. Og það var hann sjálfur sem talaði, forsetinn.

Ólafur RagnarOg hann talaði meira um erfiðleika, herrann hái. vísir.is prentar þetta eftir honum úr fyrrnefndum útvarpsþætti:

„Í sjálfu sér var sjálft hrunið kannski ekki það alvarlegasta fyrir mig,“ segir Ólafur Ragnar. „Heldur að standa frammi fyrir því í ársbyrjun 2010 að ég yrði einn að taka ákvörðun um það, í andstöðu við ríkisstjórn, þing og nánast alla sérfræðinga í landinu, allar ríkisstjórnir í Evrópu, að verða við kröfu Íslendinga, hins almenna manns, um það að fá að greiða um þetta atkvæði og taka áhættuna. Ekki fyrir mig persónulega heldur fyrir þjóðina.“

Þetta var þó ekki hetjudáðin ein og helst. mbl.is hefur svolátandi klausu eftir honum:  „Að vera ást­fang­inn for­seti er kannski það flókn­asta af þessu öllu sam­an.“

Það er gott fyrir okkur, hinn almenna mann, að vita þetta því að það er áreiðanlega rétt hjá herranum; það er flókið að vera ástfanginn af sjálfum sér.

Úlfar Þormóðsson
Latest posts by Úlfar Þormóðsson (see all)
Flokkun : Efst á baugi
0,772