Majónes

Majónes (hvk.) = flestar heimildir telja þessa sósu kennda við bæinn Mahón á Spáni, þar sem hún hafi verið kölluð ´salsa mahonesa´ og síðar ´maonesa´. Sumir Frakkar telja þó að hún heiti eftir fornu frönsku orði, ´moyeu´, sem merki eggjarauða, en það er einmitt önnur uppistaðan í sósunni (hin er olía). Þessari skýringu fylgir að ´moyeunnaise´hafi breyst í ´mayonnaise´af því að hertoginn af Mayenne fékk sér kjúkling með majónesi rétt áður en hann hélt í orrustuna við Arques árið 1589. Hann tapaði.