Úlfar Þormóðsson 26/09/2016

Loforðaregn

Eftir því sem nær dregur kosningum fjölgar loforðum stjórnmálamanna um bættan hag öllum til handa. Það á að gera miklu meira fyrir hvurn og einn en nokkru sinni og lækka skatta á sama tíma, allir eiga að fá ókeypis læknishjálp, það á að deila með 333.000 í 5-10% af verðmæti Landsbankans og afhenda hverjum og einum Íslendingi kvittun upp á eignarhlut í bankanum í formi hlutabréfs, það á að …

SéníOg það fjölgar líka sjáendum í svona árstíð. Þeir spá fyrir um örlög framkominna loforða og þeirra sem enn eru falin uppi í erminni. Margir spámenn eru sammála um að fáir taki mark á loforðunum sem tíunduð eru hér að framan. Það þurfi meira til að ná góðu kjöri; ný loforð og æsileg.

Eins og gefur að skilja eru spámenn misglöggir rétt eins og við hin. Einn slíkur, sem ærið oft hefur séð fyrir óorðnar pólitískar vendingar, spáir því að ef Sigmundur Davíð haldi völdum í Framsóknarflokknum muni hann lofa leigjendum (ungu fólki) beinhörðum peningum og „allskonar“ úr ríkissjóði, og sjávarbyggðum prósentum af aukinni auðlindarentu af sjárvarútvegi.  Að hann muni draga þessa ása fram úr erminni á flokksþinginu um næstu helgi og jafnvel ná að ….

Þegar fylgst er með loforðaflaumnum fyrir kosningar verður það til þess að hægt er að spyrja sig hvort ekki ætti að kjósa árlega til alþingis; hvort þá yrði ekki meira úr efndum en reyndin hefur orðið þegar kosið er á fjögurra ára fresti?

Úlfar Þormóðsson
Latest posts by Úlfar Þormóðsson (see all)
Flokkun : Efst á baugi
0,954