Úlfar Þormóðsson 13/11/2015

Ljósberinn

Það er dásamlegt að komast að því hvar þekkingin býr. Og geta leitað eftir henni. Þar getum við vitleysingjarnir sótt kjark til þess að lifa gleðilegu lífi með vissuna og vitið að leiðarljósi:

Ásmundur Einar Daðason

Ljósberi gærdagsins var Ásmundur Einar Daðason, alþingismaður og ráðgjafi forsætisráðherra. Hann birtist okkur í fréttum Stöðvar 2  þegar verið var að segja frá slöku gengi ríkisstjórnarflokkanna í skoðanakönnun og litlu fylgi. Hann varpaði ljósi sýnu yfir okkur, skýrði mál og veitti þá vitneskju sem runnið hafði framhjá okkur skynlitlum; tók frá okkur villuna með þekkingu sinni:

„Ríkisstjórnin og stjórnvöld eru búin að að klára mjög mörg stór mál. Við erum búin að klára skuldavanda heimilanna. Það var að klárast núna uppgjör við slitabú föllnu bankanna, mun betur en nokkur þorði að vona. Efnahagsmálin eru á gríðarlega góðum stað og við erum sannfærð um það að þegar kemur nær kosningum þá munu stjórnarflokkarnir og Framsóknarflokkurinn koma betur út en margan grunar…. Við treystum því að skynsemin sigri.“

Þetta sagði hann ljómandi, fumlaus í tali, viss í sinni sök, brosti blíðlega til okkar og vakti von um ný heimsmet í einu og öðru og áframhaldandi góðærisstjórn.

Úlfar Þormóðsson
Latest posts by Úlfar Þormóðsson (see all)
Flokkun : Efst á baugi
0,742