trusted online casino malaysia
Úlfar Þormóðsson 26/06/2019

Lifandi vísindi

Þótt rannsóknir séu dýrar eru þær afar mikilvægar; ómetanlegar fyrir framþróunina, svo ekki sé meira sagt. Það er til að mynda erfitt að hugsa sér hver staða íbúðaleigjanda yrði í framtíðinni ef Íbúðalánasjóður hefði beðið með að kaupa af rannsóknarfyrirtækinu Zenter, skýrslu þar sem sérfræðingarnir komast að þeirri óvæntu niðurstöðu eftir tímafrekar rannsóknir að leigjendur búi við minna húsnæðisöryggi en þeir sem sjálfir eiga sitt skjól. 

Zenter komst líka að annari ófyrirséðri niðurstöðu, svo vitnað sé í netfréttir dv 26.06.´19:

Helstu ástæður þess að fólk telur sig ekki búa við meira húsnæðisöryggi en raun ber vitni, er sú að fólk hefur ekki efni á leigu eða þykir verðið of hátt.” 

Þetta er líka úr rannsókn Zenter samkvæmt dv dagsins:

“Öryrkjar töldu sig búa við marktækt minna húsnæðisöryggi en aðrir hópar.”  Þetta mun hafa verið áberandi í rannsókninni þegar öryrkjar báru sig saman við “launþega í fullu starfi.”

Auk þessa komst rannsóknarfyrirtækið Zenter að þessu, sem er ómetanlegt fyrir okkur að vita, svona upp á framhaldið að gera: 

Það er betra að kaupa en leigja!

Latest posts by Úlfar Þormóðsson (see all)
Flokkun : Efst á baugi
1,362