Lesandabréf

ég
almennur neytandi stjórnmála
færi hér með þakkir
framámönnum þessarar þjóðar
fyrir að hafa svo dyggilega í heiðri
þau spöku orð kanans þess efnis
að aldrei tapi nokkur á því
að vanmeta greind almennings

einnig vil ég bera fram þá frómu ósk
að héreftir ljúki sérhver skörungur máli sínu
á að minnstakosti einni snoturri mótsögn

eftir það er mér leiðindalaust
þó hann sanni hvaðeina endanlega
með tilvitnunum í þjóðskáldin

Sigfús Bjartmarsson
(Hlýja skugganna, Mál og menning 1985)