Ritstjóri Herðubreiðar 07/06/2015

Leki í DV innan úr ríkisstjórn skapaði þrýsting sem leiddi til neyðarfundar þingsins á sunnudagskvöldi

Leki á trúnaðarupplýsingum frá ríkisstjórninni varð til þess að erlendir kröfuhafar undirbjuggu aðgerðir til að komast með fjármuni úr landi framhjá gjaldeyrishöftum.Sigmundur – RÚV

Þetta fullyrti Steingrímur J. Sigfússon í ræðu á fordæmalausum þingfundi í kvöld, sunnudagskvöld. Steingrímur vitnaði til orða fulltrúa seðlabankans á fundi efnahags- og viðskiptanefndar, en þeir sögðu bankann hafa fundið fyrir „þrýstingi“ um helgina og meginástæða hans væri leki á upplýsingum um aðgerðir ríkisstjórnarinnar í gjaldeyrismálum.

DV birti á föstudag frétt um aðgerðirnar, meðal annars um umfang skatts sem ætlunin er að leggja á þrotabú gömlu bankanna. Þessar upplýsingar höfðu þá ekki verið kynntar annars staðar en í ríkissjórninni, en lekinn á þeim varð til þess að kröfuhafar hugsuðu sér til hreyfings.

Alþingi samþykkti í kvöld lagafrumvarp sem herða gjaldeyrishöftin enn til að koma í veg fyrir fyrirætlanir kröfuhafa.

Avatar
Latest posts by Ritstjóri Herðubreiðar (see all)
Flokkun : Efst á baugi
0,788