Leikhús fáránleikans

Fátt þrái ég meira en að við getum öll haldið áfram með lífið eins og við byggjum í eðlilegu þjóðfélagi. Jafnvel grætt svolítið á daginn og grillað á kvöldin. Nú eru að verða sex ár frá hruni og daglega eru fjölmiðlar troðfullir af fréttum um það. Úrvinnslan er enn í fullum gangi. Dómstólar troðfullir af hrunmálum. Lánamál almennings enn í rugli. Það er orðin sérstök atvinnugrein að hjálpa fólki að fá botn í gengislánin.

Svo koma fréttir af ákvörðunum stjórnvalda sem ganga algjörlega fram af manni. Nú eiga Hannes Hólmsteinn, Ásgeir Jónsson og  Birgir Þór Runólfsson að fara að rannsaka hrunið á kostnað skattgreiðenda. Hvar endar þetta?