trusted online casino malaysia
Úlfar Þormóðsson 01/10/2016

Landráð

„Í skjóli þess að hér hrundi bankakerfi var gerð misheppnuð og kostnaðarsöm tilraun til að setja íslenskt þjóðfélag algjörlega úr skorðum á árunum 2009 til 2013.“

Björn Bjarnason

Þetta er merkileg málsgrein. Þetta er fullyrðing. Orðin var gerð, merkir að það hefi verið ákveðið að kosta  miklu til og reyna, gera tilraun til, að setja íslenskt þjóðfélag algjörlega úr skorðum á árunum 2009 til 2013, eyðileggja það.

Sá sem skrifar þetta fullyrðir sem sagt að valdhafar árann 2009 til 2013 hafi ætlað að fremja landráð. Leggja hér allt í rúst. Og eðlilegt að spurt sé í framhaldinu: Ætlar höfundur orðanna að láta nægja að fullyrða þetta? Er það ekki borgaraleg skylda hans að kæra stjórnarherra þessara tilteknu ára fyrir landráð? Getum við liðið að landráðamenn gangi lausir?

Það er ekki eins og skrifarinn sé einhver bulla. Hann er lögfræðingur, var blaðamaður, aðstoðarritstjóri, alþingismaður, ráðherra og borgarfulltrúi; alvöru maður, ástmögur NATÓ, félagi í Sjálfstæðisflokknum og Varðbergi. Þetta er kristinn maður, kaþólikki og hvaðeina. Þetta er Björn Bjarnason, lífeyrisþegi með meira en miljón á mánuði.

Vegna þess að þvílíkur og annar eins maður og Björn Bjarnason fer varla með þrugl og þvaður er skorað á hann að rökstyðja mál sitt, kæra landráðamennina þegar í stað og draga þá fyrir dóm, en vera ómerkingur ella.

Latest posts by Úlfar Þormóðsson (see all)
Flokkun : Efst á baugi
1,393