trusted online casino malaysia
Úlfar Þormóðsson 25/04/2017

Landeyðingur

Einu sinni var bæjarútgerð á Dalvík, Ísafirði og Akureyri. Einu sinni var Kristján Júlísson bæjarstjóri á Dalvík, Ísafirði og Akureyri. Eftir það voru engar bæjarútgerðir á þessum stöðum. Á sama tíma óx útgerðarfélagið Samherji hf. Kristján Þór var formaður stjórnar þess jafnframt því að vera bæjarstjóri á Ísafirði.

Kristján ÞórKristján Þór var heilbrigðisráðherra þegar búið var að hreinsa til eftir óstjórn hans og félaga hans í Bólunni fyrir Hrun; ráðherra í uppgangtíð frá 23. maí 2013 til 11. janúar 2017. Þann tíma allan hrakaði almenna heilbrigðiskerfinu; lækningatæki gengu úr sér, húsnæði spítalanna skemmdist vegna viðhaldsleysis og vanrækslu æðsta yfirmanns heilbrigðismála.

Kristján Þór situr nú og sefur sem mennta- og menningarmálaráðherra. Það er kennaraskortur í landinu. Ráðherrann ræddi um vandann á alþingi í gær (24.05.´17). Hann hafði fundið lausnina, hélt hann. Tilkynnti um hana. Þessa: Hvort það mætti með ein­hverjum ráðum fjölga kenn­urum með því að horfa í náms­kröf­ur.

Já, svei mér þá. Þetta sagði hann, ráðherrann: Fjölgum kennurum með því að draga úr menntun þeirra!

Þetta eru svakaleg orð úr munni menntamálaráðherra, gæslumanns kennaramenntunar í landinu. Og ef litið er á hina snöggsoðnu ferilskrá hans hér að ofan er full ástæða til að ætla að hann muni leggja skóakerfið í rúst líkt og bæjarútgerðirnar og heilbrigðiskerfið sem honum var ætlað að gæta.

(Loks er hér tvíþætt spurning, svo hrollvekjandi að ekki er annað fært en að hafa hana í sviga: Hvernig í ósköpunum kemst svona maður til metorða og valda; er ekki voðinn vís ef hann heldur þeim öllu lengur?)

Latest posts by Úlfar Þormóðsson (see all)
Flokkun : Efst á baugi
1,477