Konan í þokunni
Eftir Steinunni Sigurðardóttur
Þar villtist konan í þokunni
afþví hún áfram gekk
en átti að vera kjur.
Aumingja konan í þokunni
allt sá hún vitlaust
og ekkert rétt.
Svo settist hún niður
eftir þrjú ár í þokunni
og áði um stund.
Þegar dagur rann
þá varð hún að steini
konan í þokunni
afþví hún hafði áfram gengið
en átt að vera kjur.
Steinunn Sigurðardóttir
Latest posts by Ritstjóri Herðubreiðar (see all)
- Þegar streðinu lýkur – Guðni Már (og mamma) - 03/01/2022
- Afplánunin - 02/12/2021
- Um taktíska kjósendur og pólitísk iðrarök - 23/11/2021
