trusted online casino malaysia
Valgerður Bjarnadóttir 18/04/2015

Kerfisbreyting er það sem þarf

1 maí 2014Það er ófremdarástand í þjóðfélaginu. BHM í verkfalli og verkföll á almennum vinnumarkaði vofa yfir. Listinn yfir kjaradeilur sem vísað hefur verið til Ríkissáttsemjara er langur.

Landspítalinn starfar á 40 % afköstum og þinglýsingar liggja niðri. Barnabætur verða líklega ekki greiddar út á réttum tíma og ekki verður hægt að slátra kjúklingum. Menn jesúsa sig yfir að fiskverkfólk krefst 300.000 kr lágmarkslauna en stjórn HB Granda hækkar launin sín um um 50.000 krónur á mánuði sem jafngildir 33 % hækkun.

Á sama tíma leggur sjávarútvegssráðherrann fram fumvarp um að kvótasetja makríl. Þá getur útgerðin farið að selja þann kvóta sín á milli. Nýi gjafakvótinn hefur verið metinn á 115 – 150 milljarða króna, hvorki meira né minna.

Ríkisstjórnin sem leggur þetta til vildi ekki framlengja auðlegðarskattinn. Ríkisstjórnin boðar einföldun á skattkerfinu sem þýðir á mannamáli að afnema hæsta þrepið.

Þetta er ríkisstjórnin sem lækkaði veiðigjöldin. Þetta er ríkisstjórnin sem hækkaði matarskattinn og sjúklingagjöldin. Þetta er ríksstjórnin sem segir að þau sem hafa lægst launin beri ábyrgð á efnahagsstöðugleikanum og Samtök atvinnulífsins taka kröftuglega undir.

Ekkert dugir í þessu landi annað en kerfisbreyting.

Það þarf að breyta því hvernig afrakstur af landsins gæðum skiptist á milli þjóðfélagshópa. Launin í landinu þurfa að hækka, þá leysist margur vandi.

Flokkun : Efst á baugi, Pistlar
1,374