Ja hjarna hér!
Einn fjölbreyttasti vinnustaður landsins er fyrirsögn á tilvísunarfrétt í mbl.is. Texti hennar hljóðar svona:
SAMSTARF Bláa lónið hóf nýverið að auglýsa eftir starfsfólki í margvísleg störf enda með fjölbreyttari vinnustöðum landsins bæði hvað varðar störf og … Meira
Þessi tilvísun hefur líklega staðið á forsíðu mbl.is á þriðja sólarhring þegar þetta er skrifað (kl. 17:55 – 09.02.´18)
Ef beðið er um Meira birtist fimmdálka mynd upp á gamlan mælikvarða. Yfir henni er prentað með þessum hætti: Í SAMSTARFI VIÐ: Blá lónið.
Fréttin sjálf, sem reyndar er fagurlega myndskreytt, er ágætlega skrifuð lofgrein um Bláa lónið.
Nú vil ég ekki halda því fram að Mogginn megi endilega muna sinn fífil fegurri hvað varðar birtingu áróðursgreina. En. Eigi að síður; KEYPTAR FRÉTTIR (seldar fréttir) í flaggskipi “frjálsra fjölmiðla”! Ha?
(Ég bið Naglbítinn afsökunar á myndbirtingunni.)
- Sálumessa - 02/07/2020
- Umhverfisvændi - 21/04/2020
- Er brennivínið besti kostur? - 26/03/2020