Ritstjóri Herðubreiðar 06/10/2014

Íslenska fúskið: Velferðarþjónusta hér stenst ekki samanburð við önnur norræn samfélög. TR eins og hver önnur rukkarasjoppa

Jón BaldvinHvers vegna er svo komið á Íslandi að þeim, sem ættu að standa vörð um velferðarsamfélagið, er orðið í nöp við það?

Þannig spyr Jón Baldvin Hannibalsson í grein þar sem hann bregst við skrifum Svandísar Nínu Jónsdóttur í Herðubreið um liðna helgi.

Svandís Nína velti fyrir sér ýmsum hliðum opinberrar þjónustu og aðstoðar, svo og kostum einkaframtaks í velferðarmálum.

Jón Baldvin skrifar meðal annars:

„Ef Svandís Nína hefur rétt fyrir sér um það, að þeir sem þurfa á þjónustu TR og Vinnumálastofnunar að halda, upplifi viðmótið sem mannfyrirlitningu – þá er það grafalvarlegt mál. Það eru alvarlegustu skilaboðin, sem ég hef heyrt lengi, til forystu Samfylkingarinnar […] um, að það eru gerðar kröfur til jafnaðarmannaflokka um að sýna trúnað sinn í verki. Það er ekki nóg að flagga með feminisma, gay pride og druslugöngum. Það þarf að kunna skil á hagstjórn og að taka boðskap jafnaðarstefnunnar um mannréttindi alvarlega í framkvæmd.“

Ennfremur:

„ Það er einfaldlega satt, sem Svandís Nína segir, að fjöldi fólks upplifir Tryggingastofnun ríkisins eins og hverja aðra rukkarasjoppu lögmanna, Motus eða Logos. Þvílíkt klúður. Stofnun, sem var hugsuð sem haldreipi fólks í lífsbaráttunni, nýtur orðið svipaðs trausts og pólitíkusarnir, sem hafa klúðrað löggjöfinni.

Grein Jóns Baldvins er hér, grein Svandísar Nínu hér.

Flokkun : Efst á baugi
0,918