trusted online casino malaysia
Ritstjóri Herðubreiðar 27/02/2015

Í rökkrinu

Ólína JónasdóttirEftir Ólínu Jónasdóttur

 

Sit ég hér í rökkurró,

reyni að hugsa um vor og blóm.

Inni í hljóðri þagnarþró,

þar á ég minn helgidóm.

 

Margt í huga býr og brýzt,

birta mun ég þar af fæst

af því ég tala allra sízt

um það sem er hjarta næst.

 

Gustar inn um gluggann minn,

gnauðar úti hríðin köld.

Götuljósin læðast inn.

Löng eru þessi dimmu kvöld.

 

Þó ég uni oftast þögn

er aðrir hlæja og gleðja sig,

til að stytta tímann ögn

tala ég við sjálfa mig.

 

Ólína Jónasdóttir (1885-1956)

Flokkun : Ljóðið
1,302