Hugur höfðingjanna
Umræðan um falda fjársjóði ráðamanna sýnir á óvæntan hátt innræti margra og hugsunarhátt. Forsætisráðherrann er feginn að fá á sig vantrauststillögu vegna feluleiks með peninga og heilbrigðisráðherra hefur gefið ríkisstjórninni heilbrigðisvottorð þar sem hún stendur upp undir hendur í spillingardýi og segir að Tortólu-umræðan hafi „ekkert veikt ríkisstjórnina.“
Sjávarútvegsráðherra og varaformaður Framsóknarflokksins virðist þó dulítið ringlaður og heldur því fram að umræðan um falda sjóði formanns síns sé á misskilningi byggð. Í fréttaviðtali við Stöð 2 í gær hrutu úr honum þessi spekiorð: „Það er augljóslega talsvert flókið að eiga peninga á Íslandi.“ Og þegar hann var spurður um skattaskjólið í Tortóla varð honum að orði: „Einhversstaðar verða peningarnir að vera.“
Heiðrún Lind Marteinsdóttir héraðsdómslögmaður hjá LEX, lögmannsstofu skrifar í Viðskiptablaðið 31.03.´16 um „hið jákvæða“ við skattaskjól og segir meðal annars: „Hin svokölluðu skattaskjól veita öðrum ríkjum aðhald, að því er skattlagningu varðar, til hagsbóta fyrir einstaklinga og lögaðila sem greiða skatta í þessum ríkjum … samkeppnislegt aðhald skattaskjólanna er því nauðsynlegt.“
- Sálumessa - 02/07/2020
- Umhverfisvændi - 21/04/2020
- Er brennivínið besti kostur? - 26/03/2020