Hugsið ykkur

Eftir Þórarin Eldjárn

 

Hugsið ykkur alla þessa menn

með umboð og leyfi til að deyða

sem ófögnuð fagnaðarerinda

út þannig breiða.

 

Alforeldrar góðir af öllum vörumerkjum

með áhangendur í hempum, kuflum og serkjum,

þið sem umboðið eruð sagðir veita,

á ykkur vil ég heita.

 

Ég bið um skuldaskil

ef þið skylduð vera til:

 

Takið þið frá þeim trúna.

Tafarlaust. Núna.

 

Þórarinn Eldjárn (Tautar og raular, 2014)