trusted online casino malaysia
Úlfar Þormóðsson 15/07/2015

Hrun

Heilbrigðisráðherra mókir. Þegar bráir af honum segist hann vera bjartsýnn á lausn kjaradeilna. Einkum hjúkrunarfólks. Að svo mæltu fellur hann í mók.

Laeknar

Á fjórða hundrað manns hafa sagt upp störfum á Landspítalanum. Hann getur ekki starfað ef til uppsagnanna kemur. Flestir þeirra eru hjúkrunarfræðingar, 258. Þar til viðbótar eru 25 geislafræðingar, 26 lífeindafræðingar, sem eru í BHM ef rétt er vitað og loks tvær ljósmæður. Uppsagnirnar taka gildi 1. september til 1. október. Af heilbrigðisstarfsfólki hafa 525 karlar og konur fengið vottorð um staðfestingu á starfsleyfum hjá landlækni það sem af er þessu ári. Vottorðin eru nauðsynleg fyrir þá sem hyggjast vinna í útlöndum.

Í morgun luku hjúkrunarfræðingar atkvæðagreiðslu um nýgerðan kjarasamning. Þátttaka var yfir 80%. Talningu atkvæða lauk í hádeginu. Samningurinn var felldur með 88,4 prósentum atkvæða.

Það er verið að eyðileggja inniviði ríkisins. Heilbrigðiskerfið riðar til fall. Aðförin hófst fyrir alvöru þegar núverandi aðalritari Sjálfstæðisflokksins, Guðlaugur Þór Þórðarson var heilbrigðisráðherra skamma hríð um síðustu aldamót. Núverandi heilbrigðisráðherra, Kristján Júlíusson varaformaður Sjálfstæðisflokksins til hálfs við Hönnu Birnu Kristjánsdóttur fyrrverandi innanríkisráðherra stýrir aðförinni nú. Hún er gerð til þess að auðveldara verði að einkavæða læknisþjónustuna. Enda er hún í stórsókn. Einkavæðingin.

Lilja Stefánsdóttir, staðgengill forstjóra Landspítalans segir það ljóst í sínum huga að það verði að leysa deilurnar því spítalinn muni ekki geta starfað komi til uppsagnanna.

Heilbrigðisráðherrann sefur. Hvort eða hvenær hann vaknar veit enginn. En hann verður áreiðanlega bjartsýnn þegar hann rumskar því að þeir eru að hafa þetta af, félagarnir í Sjálfstæðisflokknum. Landsspítalinn hrynur. Einkavæðingin blasir við.

Latest posts by Úlfar Þormóðsson (see all)
Flokkun : Efst á baugi
1,327