Úlfar Þormóðsson 27/07/2016

Hrokafullir hryðjuverkamenn?

Það dró á himininn um leið og Sigmundur Davíð, formaður Framsónarflokksins opnaði munninn að loknu sumarleyfi suður í Evrópu þar sem hann var að hugsa sitt ráð samkvæmt eigin orðum. Hann er firðarspillir; fór strax að tala um það hvenær ætti að halda kosningar og fimbulfambaði þvert á það sem félagar hans í flokknum og fyrrum félagar í hans eigin ríkisstjórn höfðu sagt um haustkosningar. Hann fullyrðir að hann hafi heilmikið um það segja hvenær boðað verði til kosninga og telur fráleitt að ákveða kjördag á næstu dögum.

Gunnar Bragi SveinssonOg nú eru gæludýrin hans byrjuð að gjamma líka. Eins og jafnan þegar hann hefur gelt. Og hóta. Fyrst óbreyttir þingmenn,: Vigdís Hauksdóttir, Silja Dögg Gunnarsdóttir, Líneik Anna Sævarsdóttir og Þorsteinn Sæmundsson sem sögðu ekki tilefni til kosninga ef ekki næst að klára verkefni ríkisstjórnarinnar. Og síðan Gunnar Bragi, sjávarútvegs- og landbúnaðarráðherra. Hann notar Facebook nú í kvöld (26.07.´06) og segir: „Þegar boðaður var sá möguleiki að kjósa í haust þá var það háð skilyrðum … Ef ekki næst að klára, þá verður ekki kosið.“

Af orðræðu forystumanna Framsóknarflokksins má ráða neitt annað en að þeir séu pólitískir skemmdarverkamenn, sem stefna að því að eyðileggja þingstörfin nú síðsumars og í haust. Ef til vill væri fullmikið í lagt að segja að þeir séu hrokafullir hryðjuverkamenn. En asskoti er það nærri lagi.

Úlfar Þormóðsson
Latest posts by Úlfar Þormóðsson (see all)
Flokkun : Efst á baugi
2,812