Hringhugi

Tilvera Véfréttarinnar í Delfí var að öllum líkindum reist á hljóð- og skynillu sem birtust í óræðum orðum og hálfkveðnum vísum. Sumum þykir forseti vor tala lík og hún; í gátum sem hver og einn getur misskilið að eigin geðþótta.

Um langt skeið hefur einn spurt annan hvort herrann ætli að sitja áfram í embætti eða standa upp úr því. Í þessum tilgangi hafa menn rýnt í orð hans. Og sýnist sitt hverjum. Sjálfur hefur hann talað úr heimi ólíkindalátanna. Þar til í þriggja síðna viðtali við DV sem borðið var í hús í dag (27.11.´15), óumbeðið.

Þar segir hann skýrum orðum:

Það þarf að vera forseti sem haggast ekki í róti umræðu, bloggs og hita

Ef herrann væri maður orða sinna merkir þetta að hann ætlar ekki í framboð á nýjan leik vegna þess að hann hefur allan sinn opinbera feril staðið í stöðugum vistaskiptum og breytt um skoðun á hraða ljóssins eftir vindáttum hverju sinni. En herrann hefur ekki enn sýnt fram á það að hann sé maður sem stendur með orðum sínum. Dómgreind hans er löskuð og þess vegna er sennilegt að hann telji sig vera einn örfárra, ef ekki sá einasti eini, sem „haggast ekki í róti umræðu, bloggs og hita“ og telja ekkert brýnna fyrir íslenskt samfélag, íslenska þjóð og íslenskt lýðræði en að hann sitji sem fastast og leiði þegnana í umróti daganna.

Það er það og það er þanninn, Drottinn blessi manninn.