Fyrsti sjússinn

Nú stendur nýr heilbrigðisráðherra frami fyrir því hvort hann eigi að leyfa einkarekna læknaþjónustu og legudeild. Forstjóri Landspítalans segir þetta óþarfa sem komi til með að rýra starfskrafta spítalans. Það er hins vegar keppikefli Sjálfstæðisflokksins að úr þessu verði; það mikið að ráðherranum hefur verið hótað, mildilega því að þetta er fyrsta viðvörun.

Einn Hrunstjórnarráðherra er formaður Varðbergs, félags Nató-vina. Hann kann ýmis herbrögð og sendir heilbrigðisráðherranum eftirfarandi viðvörun í pistli á http://bjorn.blog.is/ í dag, 28.01.´17:

„Að ákveða hvort aðili sem fullnægir öllum lagaskilyrðum fái að veita fólki þjónustu og stytta biðlista af meiri þunga (svo) en áður getur varla þvælst fyrir neinum hafi hann málefnaleg sjónarmið að leiðarljósi. Önnur afstaða stjórnvalds kann að valda skaðabótaskyldu.“

Þetta er mjúkt og milt eins og áður segir en merkir einfaldlega; hlýddu okkur ef þú villt ekki hafa verra af.

Oftar en ekki verður fyrsti sjússinn og fyrsti smókurinn til þess að maðurinn fær sér annan. Það sama gerist með undanlátssemi; eftir fyrsta undanát fylgir önnur tilslökun og síðan …