Hógværðin
Mogginn í dag, 12.12.2015, skýrir frá því að ríkisstjórnin hafi af rausn sinni veitt mæðrastyrksnefndum á Akureyri, Hafnarfirði, Kópavogi og á vesturlandi 0,8 miljón króna styrk hverri nefnd „í tilefni jóla“. Hjálpræðisherinn fékk einnig sömu krónutölu til ráðstöfunar af sama tilefni.
Blaðinu láðist að greina frá því að sama stjórn hafði skömmu áður samþykkt að veita forsætisráðherra 75 miljónir króna til að hefja undirbúning og hönnun að 4.500 fermetra skrifstofubyggingu fyrir Alþingi eftir fyrirliggjandi teikningum Guðjóns Samúelssonar frá árinu 1918 að heimavist fyrir háskólastúdenta, en hún á nú, samkvæmt ferskum hugmyndum forsætisráðherra, að verða tengibygging við Alþingishúsið.
- Sálumessa - 02/07/2020
- Umhverfisvændi - 21/04/2020
- Er brennivínið besti kostur? - 26/03/2020