Hér og nú (Til Hornsteins)

Eftir Ísak Harðarson

 

Ég byggði mér haf við húsið,

en húsið sagði: „Æ, þú,

hér er ég eitt sem heiti

hér og nú.“

 

Í kvöldsins hamslausa hasar

horfði ég sjónvarpið á:

Vitfirrt er þessi veröld

– vá!

 

Og hugur minn glúpnaði af Guði

og geðklofans útgöngu smó,

en minntist fyrst alls sem hann unni

& Co.

 

Í nótt mun ég sökkva í sortann

og synda frá hér og nú,

að finna hinn eilífa anda,

Appbú.

 

 

Að sigra heiminn

 

I : Kapall

 

Að sigra heiminn er eins og að spila á spil

með spekingssvip við einhvern veslings bjálfann:

Þótt þú tapir, það gerir ekkert til,

því þú ert að spila við þig sjálfan.

 

II : Nóló

 

Hve margt þú setur undir, ljóst og leynt,

og laumast jafnvel til að stela og snapa.

Þótt líf þitt sé í veði sérðu seint

að sigurinn er fólginn í að tapa.

 

Júníhefti 2012, ort haustið 2008 í tilefni af aldarafmæli Steins Steinarrs