Heiðarleg og húmorísk frásögn: Þeir sem fá á lúðurinn hafa unnið vel fyrir því sjálfir

Saga Borgarahreyfingarinnar og arftaka hennar er í megindráttum afar keimlík sögum annarra skammlífra stjórnmálasamtaka. Hér má auðveldlega þekkja margt frá fyrri tíð. En þótt þessi saga virðist endurtaka sig nokkuð reglulega í íslenskum stjórnmálum, hefur hún aldrei áður verið skrifuð fyrr. Það var sannarlega tími til kominn.

Þetta skrifar Jón Daníelsson um bók Margrétar Tryggvadóttur fyrrverandi alþingismanns, Útistöður, sem kom út fyrir skömmu.

Hann segir frásögn Margrétar bæði heiðarlega og húmoríska, og bætir við:

„Það er mikils virði og meira en hægt er að segja um flesta þá sem skrifað hafa einhvers konar pólitískar endurminningar. Margrét hefur lag á því að segja bæði kost og löst og fólki nokkuð umbúðalaust, en jafnframt án þess að nokkrum ætti að þykja ómaklega að sér vegið. Tveir þingmenn fá þó hressilega á lúðurinn, en hafa báðir unnið ágætlega fyrir því sjálfir.“

Grein Jóns Daníelssonar er hér.