Hannes segir

Doktor og prófessor í félagsvísindum, Hannes Hólmsteinn Gissurarson setur þetta frá sér á Pressunni í dag, daginn eftir að þjóðin valdi sér nýjan forseta; eyjan.is greinir frá:

„Þau Davíð og Halla hljóta bæði að teljast hægri menn, og Guðni er einhvers konar hægri-miðju maður, sýnist mér og heyrist á öllu (og það sögðu ýmsir stuðningsmenn hans líka). Eini vinstri maðurinn, sem fékk fylgi, var Andri Snær Magnason, og hafði hann þó eitt sinn hlotið frelsisverðlaun Sambands ungra sjálfstæðismanna!“

Það er vísindamaður sem talar. Þannig hlýtur því að liggja í málum. Hægri menn sigruðu, íhaldið vann, segir doktor prófessor. Til hamingju með það.