Hamingjutilboð Herðubreiðar: Áskrift á helmings afslætti til að fagna tímamótum

Til að fagna tilkomu nýrrar ríkisstjórnar og meðfylgjandi gengislækkun krónunnar gerir Herðubreið landsmönnum ómótstæðilegt tilboð:

Áskrift að tímaritinu í heilt ár með fimmtíu prósent afslætti eða sem samsvarar 145 krónum á mánuði.

Allt efni í veftímaritinu Herðubreið er opið og öllum aðgengilegt nema ódauðlegir pistlar ritstjórans, sem birtast undir yfirskriftinni ´Óumbeðnar athugasemdir´, svo sem sjá má hér til hliðar. Þeir eru einungis aðgengilegir áskrifendum.

Áskriftir greiða allan kostnað við rekstur Herðubreiðar, þar sem fyrirtæki hafa verið treg til að auglýsa í tímaritinu þrátt fyrir góða útbreiðslu og mikinn lestur. Meginástæðan, sem fyrirtæki gefa fyrir afstöðu sinni, er að tímaritið sé of pólitískt. Væntanlega ólíkt til dæmis Morgunblaðinu.

Það er einfalt að gerast áskrifandi: Til þess þarf einungis bréf í netfangið herdubreid@herdubreid.is. Þar tekur tölvudeildin við keflinu og leysir hvers manns vanda.

Með þökk fyrir stuðninginn. Og til hamingju.

Ritstjórn Herðubreiðar