Haltu kjafti, heimska frík
Vertu gæfu allrar án
allt þitt hreppi Drómi lán
ettu mör og mygluskán,
misstu í brækur þvag.
Ávallt sé þér voðinn vís
vertu svo með njálg og lýs,
ettu það sem úti frýs:
EIGÐU GÓÐAN DAG!
Farðu beinast lönd og leið,
líddu sára písl og neyð,
lestu mola eftir Eið –
af þeim fáðu slag.
Brúka máttu betlistaf,
boginn gakktu héðan af,
fljúgðu út á Indlandshaf:
EIGÐU GÓÐAN DAG!
Haltu kjafti, heimska frík,
hræðilega úldna lík,
gakktu í skóla í Grindavík,
gerðu kvöl þitt fag.
Þoldu bæði þraut og pín,
þarmagas og díoxín,
ávallt samt þó, auma svín:
EIGÐU GÓÐAN DAG!
Bjarki Karlsson (2014)
Tilefnið er sú leiða (og ameríska) tilhneiging afgreiðslufólks að biðja viðskiptavini að „Eiga góðan dag.“
- Nú ertu (endanlega) búinn að missa það, Brynjar - 20/02/2022
- Þegar streðinu lýkur – Guðni Már (og mamma) - 03/01/2022
- Afplánunin - 02/12/2021