… HAFA KJARK TIL AÐ ÞORA …

 

Sjávarútvegsráðherra var spurður að því á alþingi hvað ylli því að hann legði ekki fram lögnu boðað lagafrumvarp um auðlindirnar í sjónum og aðganginn að þeim. Ráðherrann skýrði máli í hádegisfréttum Ríkisútvarpsins (05.02.´15) og sagði að „ólíkir hagsmundir innan stjórnmálaflokkanna“ væri ástæðan fyrir því að frumvarpið hefði ekki enn litið dagsins ljós
 Ólíkir hagsmunir.

Ekki ólíkar skoðanir heldur ólíkir hagsmunir.

Það kann að vera að maðurinn hafi ætlað að tala um ólíkar skoðanir. En hann gerði það ekki. Hann talaði um hagsmuni. Orð hans hafa verið send út um allt land. Þau hafa ekki verið dregin til baka, ekki leiðrétt. Merking þeirra er að stjórnmálaflokkarnir hafi „hagsmuni“ af því hvernig frumvarp um fiskveiðar kemur til með að hljóða. Og þá vitum við það. Öll. Að stjórnarflokkarnir, að minnsta kosti, hafa hagsmuni að gæta í málinu. Og þá er rétt að spyrja: Hvaða hagsmuni hefur Framsóknarflokkurinn í þessu máli? Og í hverju stangast hagsmunir hans á við hagsmuni Sjálfstæðisflokksins.

Ráðherrann sagði líka að það þyrfti að „hafa kjark til að þora að ljúka málinu.“ Þetta er ljóðræn fullyrðing og mætti biðja ráðherrann að safna lýrískum kjarki til að þora að svara spurningunum um hagsmuni stjórnarflokkanna af fiskveiðistjórnarfrumvarpinu.