Góðar stundir

Í sólarleysi morgunsins barst mér tölvuskeyti austan af fjörðum og finnst að það eigi einnig erindi við aðra.

„Eitt sinn þegar ég er um 10 ára þá spurði ég móður mína: „Af hverju heldur þú jólin svona hátíðleg?“

Þarna var ég farin að gera mér grein fyrir að hún var hvorki kirkjurækin né troðandi inná okkur biblíunnar fræðum. Hún svaraði, að mér fannst snilldarlega:

„(Ljúfan) mín, þetta er ekki verri tími en hver annar til að grafa stríðsaxirnar og eiga góða stund með sínum nánustu.“ Svo bætti hún við: „Nú fer sólin að hækka á lofti“. Ég hugsa oft til þessa um jólin; fyrir mér eru þetta jólin.

Kærar kveðjur að Austan.“