Úlfar Þormóðsson 15/04/2015

Glæpavæðing

 

Hann heldur áfram að biðja um byssur, ríkislögreglustjóri. Nú vill hann fá allt að 250 hríðskotabyssur til þess að vopna jafnmarga lögreglumenn.

Blaður lögregluforingjans um byssuþörf, þröngsýni hans og þekkingarleysi á samfélagi manna, gæti auðveldlega kallað yfir okkur meiri glæpavæðingu hérlendis en verið hefur síðan á Sturlungaöld. Það er ljóst að harðjaxlarnir í íslenska glæpaheiminum hljóta að vopnvæðast af kappi undir síendurteknum herópum þessa stríðsóða yfirvalds.

(Mynd: Wikiped.)

(Mynd: Wikiped.)

Það á að vera hægt að gera þá kröfu til lögregluforingja af þessari gráðu að hann þekki hið alkunna, að vopn kalla á vopn. En hann virðist ekki gera það. Þess vegna er hann með framgöngu sinni að stórauka líkur á vopnuðu ofeldi í landinu; leggja grunn að fasistísku samfélagi þar sem fyrr en varir verður leyft að skjóta úr hríðskotabyssum á þá sem mótmæla spillingu og ósanngjörnu stjórnarfari með orðin ein að vopni.

Það setur óhug að friðsömu fólki við að hlusta á orðsendingar frá miðaldra unglingi sem situr í embætti, sem hann hefur ekki siðferðislegan þroska til þess að gegna. Það á að setja slíkan manninn af. Hann er þjóðhættulegur.

Úlfar Þormóðsson
Latest posts by Úlfar Þormóðsson (see all)
Flokkun : Efst á baugi
1,377